O le taeao nei sa fa’atinoina ai e le Ofisa o Leoleo i Savaii, se sa’iliga o laau fa’asāina i se fanua ma se fale i Mauga, ma taofia ai ni alii se to’alua

O le taeao nei sa fa’atinoina ai e le Ofisa o Leoleo i Savaii, se sa’iliga o laau fa’asāina i se fanua ma se fale i Mauga, ma taofia ai ni alii se to’alua. O se alii e 43 tausaga o Saleaula ma Mauga, ma se alii e 40 tausaga o Samalaeulu. O lenei sailiga e silia ma le 200 ni la’au mariuana sa faapea ona maua mai ai, fa’atasi ai ma se la’au malosi ma ni ututau.

O nei alii o lo’o taofia nei i lalo o le va’ava’aiga a leoleo.

E momoli atu le fa’afetai a le Matagaluega i le mamalu o le atunuu, faapea le Pulega a Alii ma Faipule ona o le lagolago ma le ripotia mai o mataupu fa’apenei i le Matagaluega.

Galulue Fa’atasi mo se Samoa Saogalemu.